Während de Ed en Motor- transplantation a sim Auto duregfüehrt hed, mit mässigem Erfolg bis jetzt, bin ich go zwe australischi Stadt go erkundige... Melbourne und Canberra!
Melbourne isch mer gad as Herz gwachse, eini vo de interessantischte Städt wo ich scho je gsi bin, jede Egge hed en andere Charm gha, überall heds irgendwelchi Kunschtwerk gha! Bi umenand gloffe bis mer fasch d'Füess abgheid sind!
Canberra hingäge isch mer chli steril vorcho, d'Stadt isch vo A bis Z dureplaned und drum hed si uf mich echli wenig Charakter gha... Deför han ich vill über di australischi Gschicht, d'Aborigenes und d'Politik glernt. Und, fasch am wichtigschte ich han glernt wie mer am bequemschte imene Greyhound Bus schloft!!!!
3 Kommentare:
Wieso esch em erschte Bild en Teil vom Gebäude em Trottoir versunke? :-)
Ond wie cha mer emene Bus gmüetlech schlofe? Ich halte das för in etwa glich onmöglech wie emene Flugzüg gmüetlech z'penne.
Bitte erklärig. :-)
Ich han im Flueger nach Sydney herrlich gschlofe (3Sitz fuer mich...). Wie au immer, im Greyhound Bus wenn mer zwe Sitz hed god das folgendermasse: Siitelag, s'Fuedli so noech as Faenschter wie moeglich, d'Chnue ad Sitzlehni presst und d'Haend under de Chopf als Chuessi! Fuer echli groesseri Luet als ich empfihl ich mind. 1 bis 2 Chnoeche z'braeche!
Jo met 3 sitz em Flüger goht's grad so knapp. ;-D
Du muesch also wörklech zemli müed gsi si, wenn'd so hesch chönne schlofe!
Ich ziehne trotzdem de Huet vor der, dass'd debii hesch chönne mütze. :-)
Verdammt - jetzt mues ich mer jedesmol es paar chnöche bräche om fredlech z'schlofe? Müüüüeh!
Kommentar veröffentlichen