Do mäld ich mich doch wideremol... Han hüt am Morge, uf em Wäg zum Skifahre, min erschte Whistler Bär gseh, die sind jetzt also all am verwache. Drum gids do au rächt strengi Bär Regle. Kei Abfall vorem Huus, di öffentliche Abfäll sind all Bäregsichered, choche isch 
nume bi gschlossnem Fänschter erlaubt. Und süsch gib ich do obe natürli chli Gas, näbe Skifahre hani jetzt agfange Boxe. Und selbschtverständlich gnüss ich au s'nachtläbe do obe. Letscht Wuche isch "Telus Skifestival" gsi. Mit gratis Konzert und Party Party Party.
Und als öbs mer ned sowieso scho vil z'guet wür go han ich no Bsuech vom Evi und vom Dave becho wo sich mit ihrem goldbrune Auto dur Schneestörm und Schlaglöcher kämpft händ... Ihr sind mini Helde, ich wünsche euch en gueti Heireis und danke vil mol für de Bsuech!
5 Kommentare:
Boxe esch jo mol en ongwöhnleche Sport! :-)
Macht's Spass?
Chasches denne secher mol bruche om de Ärzt eis of d'Nase z'geh. ;-)
Grüessli
Roberto
Boxe... es isch aso mega aschträngend, ich han dänkt ich sig eigentli no guet in Form aber wo ich de nöchschti Tag wie en Ente gloffe bin und kämpft han für jedi Stägestufe hanis müesse zuegeh... Ich bin es Weichei! ;-)
Weichei - paperlapap! :-)
Du stecksch doch so was weg wie wenn nix wär!
Schliesslich mues öpper dene Bäre zeige wo de Hammer hanged - right? :-)
Liebe Gruess
Roberto
Hehe, jo das isch de eigentlichi Grund, Bäre verprügle! Ihr verschüssed sie i de Schwyz, mer gönd i Ring mitne.
Demfall wörd ich säge:
Canada 1 - 0 Switzerland
;-)
Kommentar veröffentlichen