Damit die wunderschöne Rägewälder um Vancouver au gnueg Wasser händ schint do gad d'Rägeziit usbroche z'si, kein Tag ohni Räge!!! Aber he, geschter hani mol d'Sunne gseh, so für en halb Stund, si existiert also no :-)
Aber wo's chalt und ungmüetlich isch isch es meischtens umso gmüetlicher i de Rümlichkeite. D'Schuel gid sich mit diverse Aktivitäte alli Müeh zum ois bi Luune bhalte, so isch jede Donnschtig "Pub- oder Clubnight" mit gratis Iitritt und Drink das ganze bi Lifemusig!!! Und geschter Nomitag hämer Billard/Bowling Nomitag gha. Es isch scho fasch lächerlich wie schlächt ich bin!!! Geschter isch denn de Abschied vom Bruno gsi (das isch de wo oich am 3.1.08 erchlärt hed was es mit sim Dütsch uf sich hed). Bi chli trurig worde er isch en guete Kolleg gsi do. Tja öper god und öper chund.
Während de Bruno hoch über den Wolken richtig Oste flügt kämpft sich de Ed (de Australier vo Montréal) gad dur d'Strosse vo de nördliche Staate vo Amerika zum mich in Vancouver goge bsueche, ich freu mich riesig ihn widerzgseh!!!!
Aber wo's chalt und ungmüetlich isch isch es meischtens umso gmüetlicher i de Rümlichkeite. D'Schuel gid sich mit diverse Aktivitäte alli Müeh zum ois bi Luune bhalte, so isch jede Donnschtig "Pub- oder Clubnight" mit gratis Iitritt und Drink das ganze bi Lifemusig!!! Und geschter Nomitag hämer Billard/Bowling Nomitag gha. Es isch scho fasch lächerlich wie schlächt ich bin!!! Geschter isch denn de Abschied vom Bruno gsi (das isch de wo oich am 3.1.08 erchlärt hed was es mit sim Dütsch uf sich hed). Bi chli trurig worde er isch en guete Kolleg gsi do. Tja öper god und öper chund.
Während de Bruno hoch über den Wolken richtig Oste flügt kämpft sich de Ed (de Australier vo Montréal) gad dur d'Strosse vo de nördliche Staate vo Amerika zum mich in Vancouver goge bsueche, ich freu mich riesig ihn widerzgseh!!!!
4 Kommentare:
..und ich freu mi mit dir!!
also met de sunne eschs do be eus ide trüebe schwiiz au net vell besser. ussert me goht so wien ich des öfteren id bärge. d rigi esch mettlerwiile min "huusbärg" fürs training worde.
schad, verpassisch d fasnacht! ben scho voll ide vorbereitige. nöchscht friitig esch de wörger d seis agseit. kei angscht, ich fiire chli für dich met, ok? =)
hmm jo d'Fasnacht... Evi, Caro; ich wird d'Fasnacht soooo vermisse, ihr müend würkli chli Gas geh für mich, ok?! Danke für's mich mitfiire!!! @Evi: De Ed hed die 5000km überstande... echli vil Kafi im Bluet aber süsch heil! :-)
Hoi, wie gohts? Ich bi de fruend von de bruno de am uetikon gwohnt hat. Mer sind bii ihn und mer lueget fuessbal. Er isch sehr froh mit dini internet siite. mer haend versucht dir anzrufe aber es haet nud gklapt.
aless guet in kanada!!
Gruess,
Bruno und Bernardo.
Kommentar veröffentlichen