Am Sunntig bin ich nach usgibigem Früehstück (Brotherdöpfel, Omelette, Würschtli und Toast mit Butter...) mit em Ed (en Australier) uf de Mont Royal kragsled.
Leider hämmer de offiziell Wäg ned gfunde und sind plötzli, so um di foifi z'mitzt imene riisige Friedhof glandet. Nach langem hi und her, dräckige Schueh, zwe Blotere und rächt vil glächter simmer dobe acho. Es hed sich also würkli glohnt... wow!Geschter bini de mit em Javier (en Mexikaner, wo do chli schaffed und Änglisch lernt) go d'Oratoire St. Joseph (das isch die Chile wo's uf de rächte Siite vom Blog es Bild devo hed) go aluege. Schöns Gebäude aber süsch eigentli ned so spannend...
Und am Obig hanis de ändli fertig brocht, mini "familie d'accueil" um es Föteli z'bitte. Ihr gsänd do: (vo links nach rächts) de Jean-René, d'Dayoung, d'Miran und d'Francine. Hüt isch nix-Tag gsi und morn isch Kino/Bier-Tag, ich loh mers also lo guet go! Ach jo und ich han hüt zum erschte Mol kanadische Schnee gseh (no keis Föteli wert gsi)
4 Kommentare:
so, 2. versuech. ben eifach unfähig... hani doch voll das dumme passwort vergässe!
cool so fasch 1:1 dini tate mitzverfolge!
gsänd also alli nätt us, hoffe das esch au eso?
be eus esch emfal au a****chalt. jede morge schiebechratze! glaub chauf mer weder s GA...
GA isch super!
Ha ne Frog zu dire Umfrog:
"Ihr sind ned schlächt, da chani scho mol säge! Aber ebe... Québec... (ned Montréal....)!"
Aaaaber, Provinz Québec: Québec, Montréal, Laval, Gatineau, Longueuil, Saguenay, Sherbrooke, 3-Rivières, Lévis, Terrebonne.
Hmm, die hei doch alli sgliiche Schild?!
Jo, das hani ebe gmeint... has glaub chli verhaue mit de Umfrog... aber di neu isch super!
Kommentar veröffentlichen