Hüt hani zum erschte mol Schuel gha. Ich bin NED i de "Bonjour-je m'appelle" Klass!!! Bi en Stund z'früeh i de Schuel gsi, will ichs Natel ned richtig umgschtellt han... Bravo Sibylle! Noch de Schuel bini no churz go shoppe und de bini zum Mont-Royal, de Üetliberg vo Montréal und han echli d'Ussicht gnosse.
Ich ha mich also eigentli ned schlächt aklimatisiert... Nur mit de Chälti kämpf ich würkli, es isch megachalt und es isch irgendwie au im Huus und i de Schuel megachalt. De einzig Ort wo's warm isch isch i de Metro. Die isch aber so vollgstopft das mer gar kei Platz hetti zum de Mantel abzzieh... Vo dene Eichhörnli heds do en Invasion, ha glaub i de letschte zwe Täg meh Eichörnli gseh wie i mim ganze vorhergehende Läbe...
4 Kommentare:
du hesch vergässe z'erwähne, dass mit zwöi liebe Schwiizer ir Klass bisch, aber no nie mit ne Schwitzerdütsch gredet hesch!
Nene, mit üs isch nix "je m'appelle-Klass", do wird nur über Sex, Droge und Gwalt diskutiert! Machs guet und lueg mau uf mire Site verbie: www.mcfrizzy.ch.vu / Blog: www.mcfrizzy.ch.vu/blog
liebe gruess, à demain, wirde wieder verbieluege, d.h. du darfsch nüt böses über mi schribe ;o)
Aha,i gseh das sibylle,du hesch da scho nätti bekanntschaftä gschlossä..:-)
@Manuela: versueche jo mich do vo minere beschte Siite z'zeige...
@Fabio: ha natürli gad en Link uf dini Homepage agleid.
@All: Wie ehr gsänd hämmer i de Schuel extrem aspruchsvolli und abwächsligsrichi Themene...
Ha der doch gseit, du chonsch ned e d'bonjour je m'appelle klass! ;-)
E de schwiiz esch au de winter usbroche. Mer fühle also (es betz) met der. Tolli ziit för en WK öbrigens. :-)
Halb-verfrohrni Grüess
Roberto
Kommentar veröffentlichen